路邊煱 (已結業)

朋友飯聚,指定想食雞煲,搵到呢度試下!小辣雞煲煮滾咗先上枱,焗多陣就食得!雞件好滑,個汁香濃,但建議叫中辣,因為小辣真係無乜料到.洋蔥同蒜吸晒個汁d味,好好食!牛頸脊,呢個好味!油花均勻,重牛味,必食推介!蝦滑釀鮮冬菇,新穎既配搭,蝦滑彈牙.響鈴,新鮮自家炸的,每層都好薄,放落湯一秒已經可以吸晒湯汁,又係食唔停口系列!生菜同娃娃菜,切得好靚吖!好少食店會咁有心機切到咁靚上枱！