狗毛3

營業中

休息中

Item: 狗毛3
Rating: 4
Author: 手瓜起展

The Hair Of The Dog Bar & Restaurant

90 食評

味道

環境

服務

衛生

抵食

3072

尖沙咀

$101-200

西式酒酒吧

手瓜起展

等級4

174

行過見呢間餐廳個名咁跳皮，個格局又幾靚，一於入去試吓先。Gillardeau 既蠔肉肥美得黎結實有彈性，口感爽脆鮮甜，但係蠔味又唔會太霸道喎，海水味柔和而不濃烈，入口後既味道由鮮入甜，繼而有海水鹹味同埋乳香，喺口腔入面出現細膩又富層次感。Mermaid 入口 creamy, 海水味偏重，亦帶有甜味，肉質肥美，我兩隻都好鐘意，兩隻都各有千秋。Lady of dynasty 楊貴妃，靚仔 bartender 特登出黎紹呢杯酒由咩酒溝成，我見其中有一支係中國酒，咁特別既！？我即刻問可唔可以攞黎聞吓，嘩，好香糯米味啊。呢隻楊貴妃另外仲加左 sauvignon blanc，荔枝酒同埋西柚汁，入口微甜，先係好香既荔枝味，跟住就有西柚味同埋淡淡既酒味，如果再凍啲就好喇。芝士薯條，有啲後悔嗌左呢個，因為真係勁大碟，但係佢黎先，無其他野食之下擺喺度又忍唔住食喎，食吓食吓都飽左六七成。雖然個黑松露醬真係勁正，勁重黑松露味，但係齋點黑松露醬會有啲膩，建議同時嗌埋薯條既最好朋友茄汁，食一條點黑松露醬，下一條就點茄汁，咁個黑松露醬俾茄汁間一間場會好味好多。攞起條薯條嗰陣芝士拉哂絲，勁正，老闆娘亦有細心提醒薯條啱

20 瀏覽

1 讚好

0 留言

行過見呢間餐廳個名咁跳皮，個格局又幾靚，一於入去試吓先。

Gillardeau 既蠔肉肥美得黎結實有彈性，口感爽脆鮮甜，但係蠔味又唔會太霸道喎，海水味柔和而不濃烈，入口後既味道由鮮入甜，繼而有海水鹹味同埋乳香，喺口腔入面出現細膩又富層次感。

Mermaid 入口 creamy, 海水味偏重，亦帶有甜味，肉質肥美，我兩隻都好鐘意，兩隻都各有千秋。

11 瀏覽

1 讚好

0 留言

Lady of dynasty 楊貴妃，靚仔 bartender 特登出黎紹呢杯酒由咩酒溝成，我見其中有一支係中國酒，咁特別既！？我即刻問可唔可以攞黎聞吓，嘩，好香糯米味啊。呢隻楊貴妃另外仲加左 sauvignon blanc，荔枝酒同埋西柚汁，入口微甜，先係好香既荔枝味，跟住就有西柚味同埋淡淡既酒味，如果再凍啲就好喇。

芝士薯條，有啲後悔嗌左呢個，因為真係勁大碟，但係佢黎先，無其他野食之下擺喺度又忍唔住食喎，食吓食吓都飽左六七成。雖然個黑松露醬真係勁正，勁重黑松露味，但係齋點黑松露醬會有啲膩，建議同時嗌埋薯條既最好朋友茄汁，食一條點黑松露醬，下一條就點茄汁，咁個黑松露醬俾茄汁間一間場會好味好多。攞起條薯條嗰陣芝士拉哂絲，勁正，老闆娘亦有細心提醒薯條啱啱焗起，碟邊會好熱。