影片
更多
2018-05-09
28 瀏覽
接朋友仔收工，諗住近近地係紅磡食少少嘢，搵個地方坐下傾下偈，咁啱呢幾日都落雨涼涼地，打邊爐就最暖身。入到去，老闆表示佢哋佢雞煲非常唔錯，尤其雞肉係農場雞，肉質鮮味，可惜朋友唔太喜歡食雞煲。不過海鮮粥底火鍋亦係招牌菜，有七種海鮮咁把炮。好，一於會一會佢個海龍王，睇下係咪真係咁堅。侍應首先上前菜，而呢個海龍王鍋亦可以揀五種配料，我哋揀咗手打嘅墨魚丸、雞骨丸、雲吞、農場雞同手切肥牛，賣相似乎唔錯。比較特別既係雞骨丸，食落有脆脆既雞軟骨，好得意。而雲吞都幾新鮮，入面蝦多過肉，我鐘意。農場雞件好香雞味，唔似平時既冰鮮雞，啖啖都係肉之餘，肉質結實，如果份量再多少少就好了。另外肥牛都非常唔錯，有雪花但唔肥，食落又香牛味，最啱啲怕肥但又鐘意食牛既朋友。跟住係大大隻既花蟹，夠曬新鮮，而且肉質鮮甜夠實淨，絕對唔係水蟹。食落都多肉架，而且仲好甜好多汁，蟹既甜味仲保留係粥底，勁正。唔好睇少啲蝦，食餐飯最難忘既就係佢，點解？佢正當我想夾起佢落鍋時，佢竟然從個碗跳左落地，新鮮到不得了，嚇到我同隔離檯既客人，大家相視而笑。肉質夠彈牙，果然夠新鮮，而且仲流出橙色既蝦膏。而海鮮拼盤就有鮑魚、貴妃蚌、蟶子、大蜆、斑腩肉，
入到去，老闆表示佢哋佢雞煲非常唔錯，尤其雞肉係農場雞，肉質鮮味，可惜朋友唔太喜歡食雞煲。不過海鮮粥底火鍋亦係招牌菜，有七種海鮮咁把炮。好，一於會一會佢個海龍王，睇下係咪真係咁堅。
侍應首先上前菜，而呢個海龍王鍋亦可以揀五種配料，我哋揀咗手打嘅墨魚丸、雞骨丸、雲吞、農場雞同手切肥牛，賣相似乎唔錯。
比較特別既係雞骨丸，食落有脆脆既雞軟骨，好得意。而雲吞都幾新鮮，入面蝦多過肉，我鐘意。
農場雞件好香雞味，唔似平時既冰鮮雞，啖啖都係肉之餘，肉質結實，如果份量再多少少就好了。
另外肥牛都非常唔錯，有雪花但唔肥，食落又香牛味，最啱啲怕肥但又鐘意食牛既朋友。
跟住係大大隻既花蟹，夠曬新鮮，而且肉質鮮甜夠實淨，絕對唔係水蟹。
食落都多肉架，而且仲好甜好多汁，蟹既甜味仲保留係粥底，勁正。
唔好睇少啲蝦，食餐飯最難忘既就係佢，點解？佢正當我想夾起佢落鍋時，佢竟然從個碗跳左落地，新鮮到不得了，嚇到我同隔離檯既客人，大家相視而笑。
肉質夠彈牙，果然夠新鮮，而且仲流出橙色既蝦膏。
而海鮮拼盤就有鮑魚、貴妃蚌、蟶子、大蜆、斑腩肉，非常足料。蜆肉無沙，十分厚肉，魚肉連皮，啖啖都充滿骨膠原，絕對係女士既摯愛。
至於鮑魚咁大隻，淨係睇圖都知：掂啊！
大大隻貴妃蚌，彈牙又爽口，唔會太韌。
所以食到咁上下，我哋加多左碟醉雞，估唔到有咁大碟，有酒香但唔會太濃，同雞肉好夾，呢度既雞絕對值得一叫再叫。
食到最後，侍應會送上芋頭粟米等配料，再加埋蔥、大頭菜、莞荽、冬菜等煮粥，粥底吸收曬海鮮既鮮甜同雞油香味，非常甜，而且好綿，雖然好飽，但都忍唔住食多幾碗，呢個粥係今日既主菜，可惜多到食唔曬，如果比多十個胃我就好了。
張貼
