影片
更多
2020-08-23
75 瀏覽
自從搬咗入新界東之後，踩單車去唔同地方買餸已經成為我疫情下嘅興趣，大埔街市出名多嘢買又新鮮又平，今日都買咗好多，反正要打邊爐，男友就叫我買肉丸。兩個人打邊爐食得唔多，買咗覺得自己吸引嘅試吓，呢間振興肉丸喺大埔開咗好耐，細細個踩單車已經見到，而家入邊嘅凍肉舖除咗肉丸都仲有勁多嘢。買咗菠菜丸，手打牛肉丸，香菇貢丸，同埋芥末沙律丸。肉丸來講佢真係貴過街市少少，不過佢係肉丸專門店呀嘛。菠菜丸細細粒，一包都有好多，食落去菠菜味其實唔算太明顯，不過好香蔬菜味，質感有啲似白魚蛋。芥末沙律丸， 入面係裝滿左芥末沙律醬，不過唔算好肥膩，熟咗之後一口咬落去會爆出嚟，雖然係芥末不過唔係辣。香菇貢丸，食落好香，冇雪藏味，我覺得算係好爽口彈牙。手打牛肉丸，呢一包最貴，不過男友最鍾意食牛肉，唔知係咪手打嘅關係，一啲都唔粉，食落少少爽脆，好香牛肉味。過兩日雪櫃仲有少少剩，我擺咗入焗爐諗住睇吓燒烤咁嘅樣效果係點，貢丸同牛丸係識落比水煮更香口，不過沙律丸同菠菜丸都係建議用水煮因為用焗爐整會太乾身。
自從搬咗入新界東之後，踩單車去唔同地方買餸已經成為我疫情下嘅興趣，大埔街市出名多嘢買又新鮮又平，今日都買咗好多，反正要打邊爐，男友就叫我買肉丸。
兩個人打邊爐食得唔多，買咗覺得自己吸引嘅試吓，呢間振興肉丸喺大埔開咗好耐，細細個踩單車已經見到，而家入邊嘅凍肉舖除咗肉丸都仲有勁多嘢。
買咗菠菜丸，手打牛肉丸，香菇貢丸，同埋芥末沙律丸。肉丸來講佢真係貴過街市少少，不過佢係肉丸專門店呀嘛。菠菜丸細細粒，一包都有好多，食落去菠菜味其實唔算太明顯，不過好香蔬菜味，質感有啲似白魚蛋。
芥末沙律丸， 入面係裝滿左芥末沙律醬，不過唔算好肥膩，熟咗之後一口咬落去會爆出嚟，雖然係芥末不過唔係辣。
香菇貢丸，食落好香，冇雪藏味，我覺得算係好爽口彈牙。
手打牛肉丸，呢一包最貴，不過男友最鍾意食牛肉，唔知係咪手打嘅關係，一啲都唔粉，食落少少爽脆，好香牛肉味。
過兩日雪櫃仲有少少剩，我擺咗入焗爐諗住睇吓燒烤咁嘅樣效果係點，貢丸同牛丸係識落比水煮更香口，不過沙律丸同菠菜丸都係建議用水煮因為用焗爐整會太乾身。
張貼
