影片
更多
2023-07-13
2204 瀏覽
陳晚同屋企人食生日飯開心吓，原本去附近彩x, 因為有婚宴限時交檯，所以，就改嚟呢間，第一次幫襯，估唔到係一間勁差嘅食肆..連茶記都不如！未夠6:30叫左8個小菜、5支大啤(無影相、埋單要$1,624 ) 坐低先叫一支啤酒要5隻杯(杯分三次攞，仲要好污糟), 啤酒唔凍好似飲梗熱啤，之後同樓面講之前叫留左一打壽包，而家要改半打，因為，我地得7個人，個類似部長嘅男人話，唔知改唔到半打，我地話您應該未蒸， 我地而家先落單叫餸..個男人話..係未蒸但係唔知改唔改到單，跟住同另一個黑衫女同事講話要改單.半打，個女同事好不肖細細聲講唔要一打要半打，之後將改好嘅上菜紙飛落嚟檯面勁悔氣，咩服務態度！全程係無人招待(得傳菜嘅姐姐，但上錯菜)。1.白玉海皇冬瓜盅$168限量供應上菜無跟碗同匙，自己郁手潷湯 (唔係原個冬瓜湯水淡而無味，無夜香花、蝦仁、蟹肉絲，得叮屎嘅假蟹柳條，幾粒肉粒，有1粒金華火腿粒)，連史X生清雞湯都不如。2.陳皮蒸鮑魚仔6隻(韌到橡皮)明顯蒸過籠。3.鳳梨生炒小肉排(一上菜睇見賣相粉漿勁厚、唔知炸完放左幾耐，D肉唔熱，明顯唔係生炒，勾芡唔勻，無光澤)茶記絕對好味過佢。4.海鮮粉絲煲(魷
1.白玉海皇冬瓜盅$168限量供應上菜無跟碗同匙，自己郁手潷湯 (唔係原個冬瓜湯水淡而無味，無夜香花、蝦仁、蟹肉絲，得叮屎嘅假蟹柳條，幾粒肉粒，有1粒金華火腿粒)，連史X生清雞湯都不如。
2.陳皮蒸鮑魚仔6隻(韌到橡皮)明顯蒸過籠。
3.鳳梨生炒小肉排(一上菜睇見賣相粉漿勁厚、唔知炸完放左幾耐，D肉唔熱，明顯唔係生炒，勾芡唔勻，無光澤)茶記絕對好味過佢。
4.海鮮粉絲煲(魷魚𠝹花，又係韌到似食橡皮)得d西蘭花、菜心最脆最食得吓。
5.花膠冬姑鵝掌煲(花膠浸到削晒有腥味、冬姑又浸到滑潺潺、鵝掌淋.. 係因為不停煮完又翻煮) D料唔係一齊炆，而係將幾樣餸拼埋係上面淋個芡做一個煲上。
6.炸雞孖寶之一(離遠都睇到D雞毛又有肥羔，睇見就唔開胃)。
7.沙巴躉孖寶之一(蒸過火)。
8.龍蝦伊面(算ok，老人家鐘意食)。
9.壽包(皮厚，蓮蓉蛋王餡得dd, 有d餡好熱，有d餡唔熱)！！
*埋單走人見到隔離檯有紅豆沙(應該係送) 我地埋單，無人同我地講有糖水送？？
係東區係絕對唔會再嚟幫襯，一次無回頭。
張貼