影片
更多
2008-05-26
52 瀏覽
師傅今日一條友又再黎呢度個熟食中心度食晏, 之前試左兩間係食飯嘅, 於是今日決定試間食麵, 所以就揀左呢間車仔麵!行到埋去, 等左一陣先有伙計招呼坐底, 不過其實冇招呼都預左架喇, 坐底就睇下食咩好啦, 原來呢度除左有車仔麵之外仲有粥同腸粉, 不過師傅最後都係決定食車仔麵! 於是攞左張紙黎劃, 呢度有六款麵揀, 有粗麵, 幼麵, 油麵, 米粉, 米線同埋河粉, 而餸嘅選擇就比較少, 但就一般車仔麵要有嘅餸呢度都有, 有魚餅, 齋, 豬紅, 豬皮, 蘿蔔, 魚蛋, 冬菇, 牛筋腩, 鯪魚球, 魚皮餃, 魷魚鬚, 雞腳, 雞中翼同豬腸, 仲有菜心, 芥蘭, 通菜同生菜!而師傅就要左一個一麵四餸, 有豬皮, 豬紅, 豬腸同埋牛筋腩配米粉, 再要多一杯凍檸茶! 唔使等好耐就有得食, 維持番師傅一貫嘅宗旨, 先試下個湯底, 湯底幾好味但又唔多覺有味精, 飲左兩啖湯後都覺得幾醒胃, 可以呀; 再試下豬皮, 豬皮就比較參切, 有d都幾爽口, 有d都幾腍口, 普通d; 豬紅都幾大舊, 幾滑身, 口感幾好, 得喎; 豬腸夠腍身, 好有口感, 好好味; 牛筋腩係筋多少腩, 牛筋都幾腍幾好味, 而腩就幾碎下
行到埋去, 等左一陣先有伙計招呼坐底, 不過其實冇招呼都預左架喇, 坐底就睇下食咩好啦, 原來呢度除左有車仔麵之外仲有粥同腸粉, 不過師傅最後都係決定食車仔麵! 於是攞左張紙黎劃, 呢度有六款麵揀, 有粗麵, 幼麵, 油麵, 米粉, 米線同埋河粉, 而餸嘅選擇就比較少, 但就一般車仔麵要有嘅餸呢度都有, 有魚餅, 齋, 豬紅, 豬皮, 蘿蔔, 魚蛋, 冬菇, 牛筋腩, 鯪魚球, 魚皮餃, 魷魚鬚, 雞腳, 雞中翼同豬腸, 仲有菜心, 芥蘭, 通菜同生菜!
而師傅就要左一個一麵四餸, 有豬皮, 豬紅, 豬腸同埋牛筋腩配米粉, 再要多一杯凍檸茶! 唔使等好耐就有得食, 維持番師傅一貫嘅宗旨, 先試下個湯底, 湯底幾好味但又唔多覺有味精, 飲左兩啖湯後都覺得幾醒胃, 可以呀; 再試下豬皮, 豬皮就比較參切, 有d都幾爽口, 有d都幾腍口, 普通d; 豬紅都幾大舊, 幾滑身, 口感幾好, 得喎; 豬腸夠腍身, 好有口感, 好好味; 牛筋腩係筋多少腩, 牛筋都幾腍幾好味, 而腩就幾碎下, 可以啦; 米粉就普普通通, 冇咩特別! 凍檸茶都係一般啦!
總括黎講車仔麵嘅質素都幾好, 環境就普普通通, 係比較熱, 身水身汗咁樣食一餐, 都幾攞膽, 不過價錢都唔貴, 廿二蚊一麵四餸都算抵食, 加多六蚊就有多杯凍飲! 師傅覺得如果冬天黎食感覺應該會好d, 呢間食店都食得過!
張貼
