翠華餐廳 (已結業)

平時既我點都唔會食翠華，性價比較低，68蚊食個茶餐廳午餐？傻的嗎？但今日黎到中環，竟然食碗麵麵四五十，迫於形勢食左佢。今日既午餐係蒜蓉豬仔脾。紅湯，正常味道，較淡口，好處唔口乾，但冇左羅宋湯既刺激風味。主角豬仔脾意粉，我都以為係豬腳果種豬脾，原來係豬脾扒。意粉冇過淋，仲彈既，茄汁唔過咸，幾好。靈魂，豬脾，兩塊頗大塊，彈牙既，唔鞋有，少肥，有根，鍾意有咬口既人可試。$68蚊黎講午餐算少貴，但佢又算幾好食，平時就一定唔會咁浪費金錢，今日迫於無奈，平心而論，用料比一般茶餐廳好，但比一般茶餐廳貴。