影片
更多
2022-07-31
787 瀏覽
約左人喺淘大商場交收，平時好少會落嚟呢頭，辦完正經事，決定去附近行下。 喺巷仔搵到間「小食皇大排檔」，店舖主打小食、粉麵飯同車仔麵，而晚市就以供應小菜為主。諗起都有好耐冇食過車仔麵，今日晏晝就一於喺呢度開餐。我哋點左生炒牛肉飯、車仔麵，另外再加左生菜魚肉碗仔翅同飲品。生炒牛肉飯 ($52)。牛肉鮮味可口，份量也很多，每啖都食到有肉碎、生菜同蛋絲。米飯炒得夠乾身，粒粒分明，入口沒有油膩感，而且味道亦啱啱好好，上桌時香氣四溢，可見鑊氣十足。車仔麵嘅餸料選擇非常多，我哋揀左油麵 ($8) 底，配豆卜 ($7)、司華力腸 ($7)、酸甜齋 ($10)、咖喱魷魚 ($15)、五香牛𦟌 ($12) 同 豬頸肉 ($15)，跟腩汁。平時食車仔麵，多數會揀油麵，今次亦唔例外，油麵煙韌有口感，食落嚼勁十足。腩汁湯底味道亦唔錯，入口香濃又沒有味精感。豆卜索滿了湯汁，一咬落去啲汁爆晒出嚟。咖喱魷魚好爽口，夠辣又入味。牛𦟌水準亦唔錯，夠晒鬆化，但食落又唔會過腍，帶點咬口。豬頸肉肥瘦適中，脂肪比例亦啱啱好。酸甜齋外脆內軟，加上味道酸酸甜甜，令人越食越開胃。 另外呢碗「三溝」($25) 用料亦唔手軟，碗仔翅濃稠
喺巷仔搵到間「小食皇大排檔」，店舖主打小食、粉麵飯同車仔麵，而晚市就以供應小菜為主。諗起都有好耐冇食過車仔麵，今日晏晝就一於喺呢度開餐。
我哋點左生炒牛肉飯、車仔麵，另外再加左生菜魚肉碗仔翅同飲品。
生炒牛肉飯 ($52)。牛肉鮮味可口，份量也很多，每啖都食到有肉碎、生菜同蛋絲。米飯炒得夠乾身，粒粒分明，入口沒有油膩感，而且味道亦啱啱好好，上桌時香氣四溢，可見鑊氣十足。
車仔麵嘅餸料選擇非常多，我哋揀左油麵 ($8) 底，配豆卜 ($7)、司華力腸 ($7)、酸甜齋 ($10)、咖喱魷魚 ($15)、五香牛𦟌 ($12) 同 豬頸肉 ($15)，跟腩汁。
平時食車仔麵，多數會揀油麵，今次亦唔例外，油麵煙韌有口感，食落嚼勁十足。腩汁湯底味道亦唔錯，入口香濃又沒有味精感。
豆卜索滿了湯汁，一咬落去啲汁爆晒出嚟。咖喱魷魚好爽口，夠辣又入味。牛𦟌水準亦唔錯，夠晒鬆化，但食落又唔會過腍，帶點咬口。
豬頸肉肥瘦適中，脂肪比例亦啱啱好。酸甜齋外脆內軟，加上味道酸酸甜甜，令人越食越開胃。 
另外呢碗「三溝」($25) 用料亦唔手軟，碗仔翅濃稠度剛好，內有蛋花，冬菇絲，肉絲，木耳絲、粉絲等，再撈勻墊底嘅生菜同魚肉，令口感同味道都即時倍升！
下次有機會要過嚟試下佢哋嘅晚市小菜。
張貼
