四爺車仔麵專門店 (已結業)

今日同朋友去左灣仔食飯，特登去食四爺車仔麵。 朋友介紹依間車仔麵充滿特色，我就去試下啦。我地一人一碗，賣相好特登架。車仔麵和餸分開上枱，可以品嚐車仔麵和湯底味道啦。我叫左招牌麻辣湯、烏冬、瑞士雞翼、古法豬大腸、山根、熱好立克。朋友叫左莞茜皮蛋湯、烏冬、南乳豬手、魚腐、魚蛋、熱檸茶。湯底超正啊，麻辣湯濃郁麻香重，唔會咸，愈食愈滋味。烏冬掛湯力高，豬大腸肥美無腥味，雞翼濃汁香口，朋友大讚。南乳豬手膠質感重，魚腐吸哂湯汁！朋友的莞茜皮蛋湯好清香，食哂都完全唔飽濟啊。下次可以再食多次。