鴻運車仔麵

營業中

休息中

不枉此行👣放工專程嚟尋找隱世食店🔎落單似酒樓畫點心，啱哂有選擇困難症嘅人，避免要人等落單嘅尷尬😅落單前緊係要𥄫吓牆上嘅必食同推介啦⋯⋯是日晚餐：豬紅、豬腸、蘿蔔、雞翼、生菜配米粉🍜蘿蔔甜中帶點蒜香、鹵水雞翼未算好滑但超入味、豬肥同出面食嘅唔同，少咗份蘇味，但多咗份炆豬肉嘅味，最後緊係唔少得必食推介「豬紅」，簡單形容「堅正」👍覺得今晚有啲小幸運，原來我果份豬紅係最後一份，我大約 6:30 入坐，之後入坐嘅食客聽到豬紅買哂，超失落，有2母女真係即閃，可想而知有幾「必食推介」啦！