影片
更多
2019-11-18
217 瀏覽
在眾多香港地道美食， 偶然都會諗起車仔麵 ，而且 來來去去都係去返自己食開嗰幾間， 怕中伏而且車仔麵可以好專業， 唔係填飽個肚咁簡單。這天我們到了 觀塘《B哥車仔麵》， 之前經過現在終於有機會可試。 餐廳企理乾淨 ，仲有部大電視， 一邊仲有吧檯嘅座椅！ 一啲都唔覺得迫喼。因為車仔麵癮發作， 唔理咁多想食就剔。我揀了幼麵， 好幼細而且冇鹼水味。 材料好豐富， 咖哩魚蛋豬皮夠入味唔會淨係得咖哩色。 豬大腸亦好軟熟，不過就偏肥嗰種。 坊間少有嘅粉腸也有， 可惜當日售罄。滷水翼尖夠曬腍！ 辣腩肉和牛腩味道唔錯，都係好淋好入味。 咖哩魷魚夠爽彈！ 韭菜餃和魚皮餃則普通了一點。 雞翼唔會炊到爛曬， 鹵水味甘香。墨魚丸和牛牛丸，每款餸都只有兩粒， 又覺得少了一點。湯底可以選小辣或者走辣都可以， 我選了小辣。 原來會舀上 一小羹好稠嘅醬汁， 輕輕攪拌湯底即時變辣。 覺得口味比較濃和好重嘅八角味， 加多一點沙爹或者甜味會更加平衡！奇怪唔知點解冇叫每次必吃的豬紅，定係賣曬？！跟餐加七蚊就有飲品，加$14 仲有特飲。咸檸七和青檸梳打， 味道唔夠濃，不過夠冰凍清涼， 吃那渣麵真係不能缺少凍飲～屋企人分別揀咗伊
在眾多香港地道美食， 偶然都會諗起車仔麵 ，而且 來來去去都係去返自己食開嗰幾間， 怕中伏而且車仔麵可以好專業， 唔係填飽個肚咁簡單。
這天我們到了 觀塘《B哥車仔麵》， 之前經過現在終於有機會可試。 餐廳企理乾淨 ，仲有部大電視， 一邊仲有吧檯嘅座椅！ 一啲都唔覺得迫喼。
因為車仔麵癮發作， 唔理咁多想食就剔。
我揀了幼麵， 好幼細而且冇鹼水味。 材料好豐富， 咖哩魚蛋豬皮夠入味唔會淨係得咖哩色。 豬大腸亦好軟熟，不過就偏肥嗰種。 坊間少有嘅粉腸也有， 可惜當日售罄。滷水翼尖夠曬腍！ 辣腩肉和牛腩味道唔錯，都係好淋好入味。 咖哩魷魚夠爽彈！ 韭菜餃和魚皮餃則普通了一點。 雞翼唔會炊到爛曬， 鹵水味甘香。
墨魚丸和牛牛丸，每款餸都只有兩粒， 又覺得少了一點。
湯底可以選小辣或者走辣都可以， 我選了小辣。 原來會舀上 一小羹好稠嘅醬汁， 輕輕攪拌湯底即時變辣。 覺得口味比較濃和好重嘅八角味， 加多一點沙爹或者甜味會更加平衡！
奇怪唔知點解冇叫每次必吃的豬紅，定係賣曬？！
跟餐加七蚊就有飲品，加$14 仲有特飲。
咸檸七和青檸梳打， 味道唔夠濃，不過夠冰凍清涼， 吃那渣麵真係不能缺少凍飲～
屋企人分別揀咗伊麵（另加$3）同油麵～ 伊麵感覺好吸湯～
紅腸好好味， 白蘿蔔好入味好甜， 配咖哩魷魚真係冇得輸。 佢嘅菜心係超級粗壯！
泰式蝦餅小食， 即叫即炸熱辣辣！
通常食完車仔麵會覺得好口渴， 但這裏吃完回家並不特別口渴， 感覺沒有強勁嘅味精或者過鹹， 很讚！
張貼
