豐味車仔麵

營業中

休息中

我通常lunchtime都係hea hea 地食個麵，係OpenRice search嘅時候留意到，通菜街開咗間新嘅車仔麵餐廳，黎試吓。位置係通菜街，都算幾方便。一入到黎，可能因為係新開張嘅鋪頭，覺得環境都算幾乾淨企理，而且店員都幾親切，未出聲，已經會主動中過黎幫你點菜。除左典型嘅港式車仔麵，仲可以正宗重慶酸辣粉同招牌四川麻辣燙。平時比較少食麻辣燙，所以就揀咗麻辣燙做湯底，配薯粉，小辣。辣度可以接受，有機會可以挑戰中辣。揀咗三餸，包括雞中翼、魚肉春卷、豬紅（都係Menu上面有大拇指推介嘅配料，實冇死）。豬紅特別入味，推介。