759車仔麵 (已結業)

中午食飯，天氣炎熱，唔想食飯，然後去左食車仔麵。呢間鋪長期都要排隊，好受歡迎。如果遇上有展覽或其他大型活動，簡直人山人海。今次最終叫左豬腸，雞翼，冬姑刀削麵，問朋友借左95折咭，都係34個幾蚊，抵呀！先講吓冬姑，夠晒厚身，而且好入味，唔錯，滷水雞翼，入晒味，但就唔夠滑身。豬腸做得好，味濃，完全感受到傳統風味。總括嚟講，全部都好正。略嫌刀削麵就一般貨色。下次要試吓烏冬得唔得先。上次試過豬軟骨，略咸，個人就覺得麻麻，另外，菜餃都好普通。