澳門台山水佬榮火鍋專家 (已結業)

E幾日天寒地凍，最好食返d熱辣辣既野，朋友提議打邊爐，真係一個非常好既建議。朋友試過一間海鮮火鍋邊爐。話水準都幾高。甘就去試一試先。佢地有一個好震撼既海鮮火鍋，但一定要4人以上先可以點到，情侶2個人去就見唔到e個場面了。未點菜前，有一盆醬料俾你地自己調配。每款醬料都好新鮮好惹味。之後我地點了航母海鮮盛宴，唔同時段同日子入座價錢都唔一樣。我地當日就係$238一位有8款時令海鮮，另有4款蔬菜每台可自選5款配料，我地揀左安格斯特級肥牛、新鮮牛仔粒、雲吞、響鈴、黑豚肉。湯底就揀了海底椰魚，海鮮有蟹、蜆、象拔蚌、八爪魚、蝦、帶子、鮑魚...大家一見到依盆海鮮火鍋都哇哇聲...樣樣都好新鮮同好甜好有海鮮味。牛肉無得輸，好重牛肉味同好淋。好滿足的一餐。