等 (已結業)

呢間cafe以簡約白色設計為主 配合木系傢俬 行入去就feel到種溫馨👼🏻週末嘅中午啱啱開門就去到 唔使等位😆 呢個漢堡好有驚喜！包體烘過 鬆軟帶牛油香👍🏻原隻軟殼蟹炸得極酥脆🦀️裹住薄薄嘅麵糊 帶椒鹽嘅鹹香同微辣 十分惹味😋他他醬嘅調味亦都好好 比起平時食到嘅更加香 酸度亦剛好 同軟殼蟹好match💕當日餐湯係粟米湯 味道係濃郁🌽但個texture唔係平時飲開嘅順滑/帶原粒粟米 而係整碗都充斥住搗碎嘅粟米渣 賣相同口感都唔討好😣．餐飲叫咗matcha latte🍵鍾意佢唔過甜 茶味甘香 不過略嫌奶味較淡 整體如果可以再濃啲就好了😗呢度嘅ADB比起平時食嘅嘅有啲唔同 特別在有玉子燒同雞骨腸😆第一次食雞骨腸 肉感比一般嘅香腸強 亦好juicy💦甜甜嘅玉子燒味道討好 配上明太子沙律醬令味道更加豐腴😚整體上 濃味同清淡嘅食材分配得宜 balance得好好👍🏻惟美中不足嘅係牛角包燶咗少少🥐🤏🏻