老陳餅店

營業中

休息中

一向都好鍾意食戚風蛋糕，咁岩去開元朗，一早book mark左呢間老陳餅店。餐廳門口其實都幾有台式風味，入到去有好多唔同件裝嘅戚風蛋糕擺放着。不過咁啱有啲味道已經賣晒，最後揀咗伯爵茶、芝麻及抹茶味，伯爵茶味一向我都好鍾意食，呢間嘅伯爵茶味幾香，蛋糕好鬆軟，好似海綿咁。伯爵茶味就甜咗啲啲，但都好好食！另外，叫咗抹茶味。抹茶味幾香，鍾意食綠茶嘅朋友就一定要試吓，而且唔會太甜。再揀左芝麻味，都唔錯！芝麻夠濃郁，有啲似食芝麻糊咁香濃，蛋糕都係非常鬆軟。件裝$14一件，最好就係一小件，可以試唔同味道。