楓 (已結業)

某晚路過佐敦，無意中見到「楓」呢間小店有芝士蛋糕賣，我身為芝士fans，加上平平地 $9 一件，所以忍唔住入去舖頭睇下先。嘩~~ 呢度除了芝士蛋糕、奶凍和撻等小食，仲有我好鍾意食既泰國生蝦。不過生蝦就留番第時開 party 先買，今次買芝士蛋糕先。在多款芝士蛋糕之中，我都係揀了細細件又平平地的「木糠布甸芝士蛋糕」，然後店員又介紹了 macaron 俾我，最終我還是受唔住魔鬼的誘惑，又順手買多兩粒 macaron。他們用小小的紙盒裝住甜品，有手挽位，都好方便攜帶。木糠布甸芝士蛋糕 ($9)，蛋糕細細地正方形的，上面薄薄的一層的木糠好幼細，令到這件蛋糕口感更豐富，而芝士蛋糕做得比較輕身，有淡淡的芝士香，也覺得很綿滑鬆軟，雖然芝士味不濃，但勝在吃完唔覺得滯。Pascal Rio (法國) macaron ($10/個)，macaron是一口 size，餅皮外脆內軟，感覺好輕身，但中間的饀料份量都幾多。綠色的好像是薄荷味，我覺得味道較甜，同時吃到少少涼涼地的感覺。呢款咖啡味 macaron，有濃濃的咖啡香，又唔會太甜，我好鍾意。