半糖主義 (已易手) 新餐廳

夜晚約左朋友黎堅尼地城食飯，揀左依間甜品店做晚餐。間鋪距離地鐵站都唔算遠，幾方便。不過可能因爲接近海旁嗰邊，附近人流都唔係咁多。因為時間尚早，入去嗰陣間鋪得兩檯客，而且都係non-local。間鋪有提供西式同中式糖水。本身見到有梳乎厘pancake，不過好可惜淨係供應到7點，今次食唔到。最後叫左豆腐花、紫薯窩夫同埋糖不甩。豆腐花一黎到仲有埋計時器，店員提醒我地3分鐘之後先好打開。記得menu上寫係配上稀少糖水。雖然我就食唔出同平時嗰啲有大分別，不過聽落感覺上好似健康啲咁😂。而分量亦比我預期嘅多，初初以為佢容器好淺。糖不甩有6粒，同其他糖水鋪有啲唔同嘅係佢唔係淨係比花生碎，而係真係有一粒粒花生，搭配煙韌嘅糖不甩都幾特別。窩夫係個fd叫嘅，我睇落就覺得分量好似唔係好多，不過個fd就話食落都ok足夠。我食左一啖，佢窩夫嘅蛋味唔係好突出，不過就真係無咁甜。中意打卡嘅話都可以黎依度，試下依間標榜健康嘅甜品鋪。