自家工房 (已結業)

有時人總係都偷下懶，咩都唔想攪，唔煮飯，唔排隊，唔入餐廳食，想輕輕鬆鬆係屋企食個外賣就算。今日就決定是是旦旦係街市買餸就順路買埋外賣返去當午餐。今次揀左呢間食台式野。叫左個鹽酥雞肉燥飯，入面有舊菇同蛋做配料。個菇無咩味，似白灼果type，個蛋就唔同，做到有小小流心，好滑下。肉燥汁份量足夠，可以滿足我呢d汁low飯的朋友。最後就講講個鹽酥雞，份量絕對足夠，有四大舊，唔會食到得飯gum dry。個雞可能放左係盒入面，唔夠堂食果d酥脆，但都不至於一口粉。另一次食過藥膳排骨拌麵，菇係一樣照舊淡味，蛋依舊唔錯，拌麵個麵唔會好淋，汁就夠味。可惜個藥膳排骨無可能同台灣果d比，做唔到台式風味。俾唔到台灣風味出黎。以街市的質素，超長的營業時間，既方便又唔貴的角度黎睇，呢間都可以醫肚之選。