水木日本料理 (已搬遷) 新店位置

XO仔每年慶生都會玩足成個月，不過主要都係夜間活動多，今年碰巧遇上細佬冇得帶飯返公司食及要參與多個守齋活動，週二中午，表妹就専程黎灣仔請小肥表哥喺「水木日本料理」食生月晏。因工作事忙，XO仔遲到咗成十分鐘，故亦未有時間四週拍下環境照，到步兩口子即點咗兩款壽司及海鮮丼定食作午餐。店子午市唔算好爆，落單後服務生隨即呈上套餐所包有o既沙律、前菜、燉蛋，效率極高。沙律其實都好爽脆，個人只係略嫌個調味汁過酸，食到細佬咪哂眼。熱辣辣o既燉蛋清香幼滑，十分甜美。辣豆前菜微辣香脆，惹味醒胃。熱烏冬o既麵條滑身彈牙，個清湯底雖則暖胃，不過就好似未落鹽咁。北海道海鮮丼（$188）：承載著海鮮丼嗰隻碗真係好大隻；單憑相片未必睇得出，墊底o既白飯份量其實都唔野少！飯面o既三文魚鮮美油潤、帶子幼嫩帶脆、海膽亦為鮮濃嫩滑。女仕壽司定食（$158）：所謂「女仕壽司定食」其實即係數量少咗o既壽司定食，男生點選亦無不妥。六件壽司顏色鮮麗，當中三文魚壽司柔潤甜美、帶子壽司鮮厚嫩脆、海膽壽司濃甜滑溜、三文魚籽壽司香濃濕潤。為怕返回公司後飯氣攻心，細佬就要咗杯熱咖啡作結，估唔到咖啡咁夠濃。「水木日本料理」位置都有少少隱蔽，不