影片
更多
2018-01-24
361 瀏覽
轉工去左灣仔番工之後，不時都會周圍搵嘢食，其實橫街小巷都幾多特色嘢食，咁岩做節早收工就諗住去買個外賣番屋企慢慢嘆。於是就試咗呢間「Masala Train」嘅印度菜，咪睇我平時食開日本菜、韓國菜。其實我都會間唔中試下其他嘢。去到Masala Train諗住入內睇睇食乜好，點知發現全部都係英文。我用我僅有嘅英文同店員溝通，佢答我其實門口係有中文版嘅菜單，歡迎我係外面睇完再落單。原來有中文咖，咁就唔洗頭痕喇。由於屋企都有家人等緊食，於是我就分別柯打咗幾款小食，分別有：羊肉卷、切塊芝士卷跟全麥餅、印度香飯雞肉，最後一杯香的汽水！（個名太引發人嘅好奇心，於是我試咗）唔好睇我外賣買番屋企食會凍，其實我大大話話都坐咗有35分鐘先開始食，但食物依然係非常保溫，事不宜遲，馬上食我嘅切塊芝士卷，由於太大條，我將佢一分為二地慢慢品嘗，由於芝士卷其實係素卷嘅關係，裡面餡分別有大量芝士粒、洋蔥、椰菜，醬料等等。食落香口唔會有好乾嘅感覺；芝士粒有嚼勁添加幾份口感；而全麥皮唔會好厚，食落比例岩岩好。其後試咗少少印度香飯雞肉，印度長米飯形狀比較長身，煮得非常有口感；另外粒粒米飯都均衡地沾到香料同雞肉粒，所以食落非常
去到Masala Train諗住入內睇睇食乜好，點知發現全部都係英文。我用我僅有嘅英文同店員溝通，佢答我其實門口係有中文版嘅菜單，歡迎我係外面睇完再落單。原來有中文咖，咁就唔洗頭痕喇。
由於屋企都有家人等緊食，於是我就分別柯打咗幾款小食，分別有：羊肉卷、切塊芝士卷跟全麥餅、印度香飯雞肉，最後一杯香的汽水！（個名太引發人嘅好奇心，於是我試咗）
唔好睇我外賣買番屋企食會凍，其實我大大話話都坐咗有35分鐘先開始食，但食物依然係非常保溫，事不宜遲，馬上食我嘅切塊芝士卷，由於太大條，我將佢一分為二地慢慢品嘗，由於芝士卷其實係素卷嘅關係，裡面餡分別有大量芝士粒、洋蔥、椰菜，醬料等等。食落香口唔會有好乾嘅感覺；芝士粒有嚼勁添加幾份口感；而全麥皮唔會好厚，食落比例岩岩好。
其後試咗少少印度香飯雞肉，印度長米飯形狀比較長身，煮得非常有口感；另外粒粒米飯都均衡地沾到香料同雞肉粒，所以食落非常入味！覺得太膩又可以食少少旁邊嘅配菜，青瓜新鮮爽脆，加少少椰汁添幾分甜味。
最後結尾不得不講，充滿冒險氣色嘅香的汽水。我傻更更柯打後，店員親切提議，將SODA改做其他汽水會較易入口。於是「香的汽水‧改良版」是用百事可樂做底，並加入印度香料調配而成。個人認為雖然改用百事，但威力依然攝人，味道時而甜、時而辣，極有印度飲料特色，而且味道久久在口腔不散，很有趣的體驗。所以，冒險精神極高嘅勇者可以一試。
張貼
