台灣麵 (已結業)

午飯時間，黎到太子呢間台灣麵，見到完全唔需要等位，適合晒番工時間趕食 lunch 嘅上班一族。Menu 嘅 lunch set，都有唔少選擇，有麵有飯。既然叫得做台灣麵，就試一試佢嘅紅燒牛肉麵套餐。另外怕淨食麵唔飽，叫多左個鹵水雞翼小食。如果食開重口味類似永康牛肉麵嘅紅燒牛肉麵的話，呢度嘅牛肉麵就比較輕怡，味道無咁鹹無咁重口味。牛肉真係炆得十分「稔」，易咬但又未至於肉質鬆散，值得一讚！至於雞翼都鹵得唔錯，食得出唔係用千年鹵水浸左極耐，仍然係有清新嘅八角味。見到 menu 有好多台式飲品，今次無叫到，下次要試一試先！