茶理史 (已結業)

食完飯，成班朋友想飲台式飲品，係近牛頭角呢啲位邊度搵野飲呢？好彩係裕民中心附近有茶理史，可以頂一頂奶茶癮。朋友好開心點鮮乳再外加地瓜小芋圓。雖然有啲想試，但自己就飽飽滯滯唔想食珍珠，於是就點左店內報導推介嘅蘭貴人烏龍（$20），即係冷泡人參烏龍，即點即攞唔洗等。冷泡茶本身就會比熱泡嘅茶少啲苦澀，加上人參烏龍本身就係甜甜地，飲落非常清爽。支茶附送原個茶包，婆仔如我返去屋企都返沖左一兩次，茶味淡啲，無咁甘甜，但一樣清香。