Y Show Tasty (已結業)

好耐冇見到我個bff，特登搵間chill chill地嘅餐廳大家可以傾吓計😚 估唔到都好多人 好彩有book定位姐！呢間Y So Tasty係尖沙咀厚福街📍，座位亦坐得好舒服。🤭我哋兩個女仔食唔係嗌咗好多嘢，首先一人一個湯，我叫咗北海道帶子蟹肉龍蝦濃湯，以朋友叫左黑松露野菌忌廉湯。🫕兩個湯都好濃郁，龍蝦湯好鮮甜嘢味，黑松露湯好香好正。之後想食啲肉，就嗌咗香烤招牌乳豬🐽。果然無揀錯，乳豬皮又薄又脆，乳豬一啲都唔孩，雖然佢哋會原隻上，但係自己切一啲都唔費力。😆😆另外見到呢隻手工啤🍻🍻，係本地製造，又限量，仲要係Sake味既啤酒。就嗌咗黎試下，飲落去同平時啲啤酒唔同，飲嗰陣口感好豐富，一路飲落去都會呈現唔同嘅感覺，最後after taste有啤酒花既苦澀味，連我朋友平時無飲開手工啤酒，都話正！