阿牛 (已結業)

我地兩個人叫左個二人餐，其實如果唔叫set, 都有好多選擇。二人餐中可揀五款餸，另外白飯可Refill, 白飯用砂鍋上，好保温，加分！我地揀左Ribs，蒜蓉粉絲帶子，薯蓉焗田螺，青口，銀雪魚。Ribs肉地剛剛好，有五條，兩個人都好夠食。帶子比我想像中大隻，兩隻擺一齊剛剛隻碟咁大，蒜蓉煮其實好穩陣，敗筆係啲粉絲太軟太碎。薯蓉焗田螺唔錯，無沙同好入味。青口正正常常，唔係必食。銀雪魚煎到塊皮好香脆，另有大量燒汁、木魚一齊食，好惹味！仲有兩杯飲品同兩客甜品，當日甜品係焦糖燉蛋同涼粉雪糕，食埋個甜品就完美了。餐以外我另點了一碗牛尾湯加薯蓉，個湯好濃好好味，個碗係用薯蓉做，飲完湯可以食埋佢，每次去都要叫呢個！好Like!此店好適宜慶祝生日，氣氛好好，食完飯都換左另一種心情！