Coffee Talks (已結業)

經常行開旺角花墟見到呢間文青cafe, 成日想幫襯, 但係次次假期經過都爆晒要等位, 所以未有機會試到, 難得今個星期放大假, 經開花墟, 決心去試下, 11點左右岩岩開門未有人, 入到去, 店內裝修格局舒適, 最岩放假既人輕鬆下, 睇一睇餐牌, 款式都好多, 價錢亦算適中, 難得放大假食好啲, 叫左個新英倫風格早餐加杯美式咖啡, 個早餐來到我都嘩左一聲, 份量大到絕對對得起個價錢, 同埋用料絕對唔馬虎, 什果沙律上有parma ham, 又有smoked salmon, 個蛋仲要係水煮蛋加黑松露醬, 睇都出廚師既用心, 對於我呢啲食開all day breakfast 既人來講, 呢個早餐絕對係高質素, 沒有之一, 配埋杯熱咖啡, 可以話呢個早餐絕對滿足到我放假既心情, 難怪次次經過呢間餐廳見佢都甘多人, 餐牌上仲有意粉, 意大利飯, pizza burger, 下次要來試下其他野食.