水松見料理放題 (已結業)

岩岩放完假,星期一又要重新上路返工。放工搵埋friend 一齊去狂食舒緩下壓力先得。朋友介紹左呢間好近長沙灣地鐵站既放題。地鐵一出行5分鐘就到幾方便。8點半左右來到,星期一呢段時間係呢區心諗會無咩人,點知都ok多人。成間野都幾大,坐得唔算太迫。緊住令上手睇下有咩食,點知多野食到可以同friend玩左個game,鬥快數有幾多張野係果到。A to N張 -> 14張lor =] (26/2+1=14) 極速5秒羸左。飲品有得飲清酒,唔係唔試下話,飲落酒味唔重,相對地岩女仔。之後再叫多左個梅酒試,之前去日本果時食飯次次都飲佢。自動加左冰俾我,配埋D炸野,岩哂!!!刺身種類都幾多,咩都叫d試下,三文魚肥美好味,其他就不過不失。叫左我既至愛:味附螺肉,呢到唔係勁重雪味果隻,所以係唔錯!叫左天婦羅蝦、一口牛、一口帶子同清酒煮蜆。重點推介個一口牛同帶子,煮得夠淋同惹味。重有串燒、炒雜菜、牛油栗米同d炸物。我encore 左轉炸蠔同燒波羅。食左咁多炸野一定要食返d菜平衡返,而個菜都炒得幾香。另外叫左個壽喜燒,入面係有肥牛同埋令上來果時個鍋勁熱,即叫即整,記住慢慢食。最後原來呢間野都好多明星來過