泰象苑 (已結業)

舊同事聚餐又想食辣野，之前經1知道這裡有間泰國菜就話今次試下先，去到7點多仲有張4人桌，勁好彩，見到有4人餐就二話不說叫左再加小食豬扒，最後每人$210都飽肚而且又可以坐下傾下計，的確吾錯。豬扒……黎到已嗅到好香，食落去香料味剛好又夠熱，豬扒肉口感剛好，同事都讚好吾錯。小食拼盤份量都吾少，有：串燒，炸蝦餅，豬頸肉，春卷，鳳爪，串燒沙爹醬味道濃郁又香配肉剛好，鳳爪微酸好開胃，蝦餅夠脆又吾油身，豬頸肉味道正常吾錯，仲有4款1醬汁食吾同食物，幾窩心。泰式椰汁雞湯……今次吾想成日飲冬蔭公就選椰汁雞，椰子味重又香帶點微辣，雞份量有意外吾少喎，每人都有2小碗。清邁家鄉粉絲焗大肉蟹仲有4片蒜茸包……肉蟹比心目中多，粉絲吸晒味十分好味，蒜茸包蒜泥夠但如果再熱點就更好。海南雞去骨半隻……雞肉嫩滑，味道不錯。馬拉盞炒通菜……份量多，味道吾錯好入味。甜品……竟然係朱古力味糕，仲以為好甜，點知食落竟然吾甜仲要帶淡淡朱古力味。