蘇媽.蘇媽馬來西亞茶餐室

營業中

休息中

同妹妹經過蘇媽發現冇人，即刻問佢帶冇興趣食下午茶，二話不說就入左去。其實唔係好肚餓，但想試好耐喇，所以就每人叫左一份咖央多，我就叫多杯怡保白咖啡。落左單幾分鐘，啲野已經齊晒。咖央多好新鮮，好脆，咖央醬比足，係幸福嘅感覺～～28蚊一份，一開四，其實唔平，但間唔中食下都算ok啦！個醬其實偏甜，唔太食得甜嘅我建議最好同朋友share試試就好了。至於杯咖啡呢～個杯就幾靚嘅，但我咁鍾意食甜野嘅都覺得好甜，甜到有啲over, 我建議試下其他特式飲品會更好。