JUICY Fresh Juice Bar (已結業)

同朋友去ifc，搭地鐵出閘就見到呢一間水果飲品店。 佢飲品種類都幾多，仲有三款小食可以簡。啲小食好抵，加十蚊左右就有一款。我地order咗兩杯飲品同兩款小食。草莓香蕉奶昔呢個飲落幾厚身，草莓味幾濃郁，又唔會好甜，同埋原來都幾飽肚，個人幾鍾意呢個蜜桃乳酪呢個口味係出邊都幾少見，飲落幾清新同埋唔會好甜牛角包佢中間塊芝士都幾厚身，個包食落都好鬆軟，推介！熱狗佢有兩款腸可以揀，一款原味一款係芝士，份量都幾多，個包仲好香芝麻味。佢店裏面都有韓國明星嘅海報，同埋杯套等等。