Mood Coffee

營業中

休息中

小店裝修以黑白色為主調，主打輕食同咖啡，仲有少量甜品供應，外賣堂食都得。三文治即叫即做，豐富足料，有誠意。牛油果雞胸三文治 ($48)方包軟熟鬆化，牛油果份量多，口感柔軟綿密，雞胸大塊，有肉汁又唔會覺得嚡熠熠，而且經過調味唔會好寡，加埋沙律醬滋味滿分，好食又有驚喜！煙三文魚青瓜三文治 ($48)青瓜爽脆，煙三文魚鹹鹹哋，軟中帶爽，清新怡人。伯爵茶漸層咖啡 ($50)賣相吸引，有完美分層，入口散發濃厚伯爵茶幽香，咖啡味香濃而酸味不重。