影片
更多
2018-02-04
489 瀏覽
早兩日睇到雜誌話，觀塘最近新開咗一間意大利手工意粉餐廳， 而且係由正宗意大利人主理， 一去到門口其實都幾多人排隊㗎，基本上都要等一段時間，不過有得留名喺度咁登記排隊。坐低嘅時候店員會送上，一碟熱辣辣又十分香脆嘅麵包，配上橄欖油同埋黑醋。麵包熱辣辣脆脆地非常香口，而且橄欖油同黑醋酸酸甜甜，食落非常開胃。 焗辣汁八爪魚薯仔配麵包八爪魚同埋薯仔，配上一啲甜甜辣辣嘅醬汁， 亦有少少忌廉汁， 八爪魚同埋薯仔非常之索汁，加上紅腰豆食落口感好Rich， 而最好味嘅就係番茄醬同麵包，食得出係由乾番茄同香草及蒜製成，一唔小心就食多幾粒。每啖咬落去都會睇到好多乾蕃茄碎同埋蒜頭， 同新鮮番茄非常唔同， 可以話係濃郁咗好多，食落係好有茄味同蒜味， 作為餐前小食，呢個真係一流。意大利手工大方形雲吞配芝士牛肝菌餡配牛油橄欖油淡淡嘅牛肝菌意大利雲吞，配上忌廉同芝士煮成嘅醬汁， 食落非常香口， 雖然小小嘅一碟，但原來都幾飽，而且好多好香既菇菌味，店員仲會瘋狂幫你加芝士，芝士迷必試。切開雲吞入面，仲會見到唔少牛肝菌芝士餡， 除咗好香菇味，亦有好多芝士，不過唔會好漏， 反而仲幾清新。蒜蓉煮青口滿碟既藍青口， 由雞湯、白酒
坐低嘅時候店員會送上，一碟熱辣辣又十分香脆嘅麵包，配上橄欖油同埋黑醋。麵包熱辣辣脆脆地非常香口，而且橄欖油同黑醋酸酸甜甜，食落非常開胃。
焗辣汁八爪魚薯仔配麵包
八爪魚同埋薯仔，配上一啲甜甜辣辣嘅醬汁， 亦有少少忌廉汁， 八爪魚同埋薯仔非常之索汁，加上紅腰豆食落口感好Rich， 而最好味嘅就係番茄醬同麵包，食得出係由乾番茄同香草及蒜製成，一唔小心就食多幾粒。
每啖咬落去都會睇到好多乾蕃茄碎同埋蒜頭， 同新鮮番茄非常唔同， 可以話係濃郁咗好多，食落係好有茄味同蒜味， 作為餐前小食，呢個真係一流。
意大利手工大方形雲吞配芝士牛肝菌餡配牛油橄欖油
淡淡嘅牛肝菌意大利雲吞，配上忌廉同芝士煮成嘅醬汁， 食落非常香口， 雖然小小嘅一碟，但原來都幾飽，而且好多好香既菇菌味，店員仲會瘋狂幫你加芝士，芝士迷必試。
切開雲吞入面，仲會見到唔少牛肝菌芝士餡， 除咗好香菇味，亦有好多芝士，不過唔會好漏， 反而仲幾清新。
蒜蓉煮青口
滿碟既藍青口， 由雞湯、白酒、洋蔥同唔同嘅蔬菜，加上香蒜煮成， 食落除咗有青口嘅鮮味，亦有蔬菜嘅香甜 ，食完青口，連汁都可以飲埋，正呀。
意大利雲呢拿雪糕
聽店員講佢哋嘅雪糕，係由意大利直接入口，同坊間嘅雪糕非常唔同，而且仲配上黑醋醬， 食落非常有層次，每一啖咬落去酸酸甜甜再加埋奶味， 非常特別，而且啲雪糕咬開，就會睇到有一點一點嘅雲呢拿籽， 真係好新鮮好香。
另外食完嘢，仲可以喺舖頭入面買唔同嘅材料，返屋企自己整，例如有黑醋、松露鹽、橄欖油，同埋唔同款嘅手工意粉、意大利雲吞等等,唔識煮嘅話仲可以買下店員點煮，其實計落都唔算好貴，同出面差唔多，不過就比較新鮮，而且喺舖頭入面你試過覺得好味，先買返屋企煮，都幾好。
食到成三四點都仲係咁多人，keep住爆場， 雜誌嘅威力真係好大。
埋單二百蚊有找，而且食得都幾飽，都唔錯呀。
張貼
