HOKO Farm (已結業)

今曰終於有時間約吓啲朋友仔出下街食下飯，我地係金鐘收工行落去灣仔搵野食，朋友揀左HOKO FARM，餐廳環境不錯有很多小擺設，光線充足及環境好有cafe既感覺，係灣仔上班既朋友可以過來一試架！芝士魚柳炮長通粉...金黃色既魚柳，煎得很香，個粟米汁好滑，好香粟米味，食落去一啲都唔似罐頭粟米湯，可惜啲通粉煮得太冧，太長時間，如果少時間點就增加口感。香煎羊架伴薯角……主菜我地叫左羊架，有兩件好似手撐咁大既羊架再配上炸薯角同沙律菜伴碟，份量足夠二人食啱啱好一人有一件羊架！味道啱啱好。而且好香羊羶味係我面前飄過，煮到有七成熟，正呀！如果薯角同沙律菜個份量可以多番少少會好啲既！士多啤梨棉花糖朱古力最後叫左杯季節限定飲品，好甜棉花糖味朱古力味淡唔夠濃，不過飲落幾特别，唔錯！唔錯！