宮葉 パフェ (已結業)

去到太子做完野經過見到幾間新野食喎，有間叫宮葉的有飯，拉麵和最吸睛的甜品，就諗住試下先…入到去似日式裝潢，淺色木為主，食品價錢比目中平，最後就試左一個飯和隔離桌叫的士多啤梨芭菲。好快紅酒牛肋條丼 $49就黎到，見到份量都吾少喎而且都有微微酒香，食落去都炆得腍身和入味，竟然仲有隻半生熟雞蛋都有驚喜，但我覺得醬汁偏少和淡身，如果濃點就令到整個飯更好味。最後當然係最靚的士多啤梨乳酪芭菲 $48，沒想到咁大杯仲要標榜話用北海道3.6牛乳，堅抵食…上面大大粒士多啤梨吾酸又甜好味喎，而中間乳酪份量都吾細但偏甜左少少，中間有士多啤梨乾碎，脆粒粒和蜜瓜，和乳酪一起食剛剛好，最底係士多啤梨碎，但反而下面士多啤梨偏酸，應該係吾同品種吧。