Pancake 專門紗織 (已結業)

聽聞呢間日式pancake專門店好好食 今日就同同事過嚟食午餐 因為午餐嘅關係 所以我哋今次冇嗌到甜品 特登過嚟試吓佢哋嘅輕食系列 睇吓係咪聞名不如見面🥰我哋叫咗兩個套餐share 濃蕃茄牛肋條同香燒牛小排磨菇汁先講下個用蕃茄牛肋條 蕃茄味道堅係濃郁 悶悶嘅蕃茄湯包住牛肋條 令到牛肋條非常入味 牛肋條好軟淋 好厚身但係一啲都唔鞋 估唔到同烏冬食都咁夾！呢度嘅烏冬非常爽口彈牙 味道唔錯！香燒牛小排蘑菇汁燒得啱啱好 雖然比較薄身但係好重牛肉味 都幾足料 足足有五大塊！充滿油脂香嘅牛小排 配搭埋佢嘅蘑菇汁真係冇得頂！蘑菇汁好濃郁好澀 烏冬配蘑菇汁係我一直最鍾意嘅配搭😋個餐仲會跟埋餐湯餐飲同沙律 超值！