不見不散 (已結業)

洪水橋呢個小社區近年不斷發展 高樓大廈同人都多左 行過見到呢間不見不散 特別多人排隊 所以決定入去試下～ 佢午餐有set 有蘑菇湯、蒜蓉包同飲品 價錢合理👍🏻 落完order 好快就送上蘑菇忌廉湯同蒜蓉包 湯不是太濃味 但蒜蓉包就好香脆熱辣辣👍🏻 叫左茄汁海鮮意粉 睇落都幾多海鮮 不過覺得茄味唔夠濃 如果可以落埋茄肉會更高層次同口感～ 不過佢都有幾多紅椒黃椒搭夠都唔錯👍🏻👍🏻 我自己再加左小小辣椒仔 更加好味🤩 最後仲配埋餐飲凍檸茶 呢個午餐份量唔算好多但都算唔錯😊