雪吧餐廳 (已結業)

之前因為疫症好多酒吧都無得去，宜家開始開返酒吧，今日同朋友當然要落去酒吧飲返杯，收工後即時去尖沙咀飲返杯，經過河內街有幾間酒吧，選擇一間落樓酒吧，落到去好大環境，好舒服。同朋友選擇一個角落位，想大傾下計，坐低見到酒類選擇都好多，有啤酒，紅酒，白酒，仲叫三個小食食下，當然佢都有配酒小食蝦條，天氣熱辣辣當然叫凍冰冰啤酒藍妹，而我好想飲紅酒，紅酒飲口唔算好酸，好易入口，～食物方面，小食拼盤 有雲吞，雞翼，春卷，魚腐，泰式醬配豬頸肉，仲要叫一個幼薯條，好好食，飲酒配小食簡直係一個享受。