Jamie's Italian (已結業)

脆炸大蘑菇: Portobello大蘑菇炸到好香脆，一咬開好香蘑菇味，仲好多汁，配上香蒜蛋黃醬一齊食，真係不得了。意式漢堡:碳燒牛肉漢堡配料有fontina芝士，蕃茄醬，辣肉腸，鹹菜，辣椒同脆炸洋蔥，牛肉質地比較乾身，無咩肉汁，不過配埋fontina芝士同其他配料都幾滋味，而且面包烘得外脆內軟，唔錯。另外漢堡配埋闊佬薯條：薯條又粗又脆，不過無咩松露油味，而且芝士唔夠多。 費倫天拿薄餅:薄餅配料有Ricotta芝士，水牛芝士，雞蛋，菠菜，西蘭花同銀魚柳，薄餅厚度適中，配上我至愛既Ricotta芝士，香濃軟滑，一切開半熟蛋，蛋黃汁流哂出黎，夾埋菠菜一齊食，又另一番風味，只可惜銀魚柳太咸，而且仲好多同好大件，一食到連舌頭都麻痺。Epic Brownie:Brownie蛋糕朱古力味濃郁，口感岩岩好唔會太硬，配埋朱古力醬同海鹽焦糖雪糕，一齊食，一冷一熱，口感更添層次。