BLT Steak (已結業)

放工之後想去輕鬆下，行過尖沙咀海旁見到呢間餐廳，想試好耐，於是即慶走去問下有無位，由於當時係下午5點半鐘，餐廳內好少人，所以即刻可以入去。餐廳喺正維港隔離，亦有露天座位，當日已滿，侍應帶咗我坐餐廳靠牆位，我問佢可唔可以坐窗口位，但寫住reserved，佢哋好好即時幫我check，之後話7點半要還枱，當然無問題啦！望住個海都幾舒服。入呢間餐廳係因為想食牛扒，平時食開西冷同肉眼，今日望下menu見到有和牛牛肩，其實都幾貴，$370，最後決定試下佢 !餐包有兩個，平時我唔中意食包，但因為個牛油好靚好吸引，所以都試下，又幾香喎個包，最後我食咗一個，其實想食埋另一個，但驚食唔哂個牛扒，最後無食哂。推薦大家去試，自己去、同另一半去，或者一大班人去都得！