新釗記 (已結業)

" 日頭猛做, 到依家輕鬆吓。食過晚飯, 要休息番一陣....."   5pm放工啦, weekend 嚟啦, 心情超輕鬆。今晚8pm約了舊同事吃飯聚舊, 一心先回家扮靚靚, 抖一抖。到了屋企附近, 望望手錶, 5:45pm  , 趁下午茶時間未過, 入去曾幫襯 (曾三數次幫襯過買早餐)的新釗記買番個tea set, 食少少嘢都好噃 。望吓張外賣紙先.....已經好耐沒吃腸蛋麵 (因害怕三高?!), 不過今日就豁出去...再要杯凍檸茶(少甜) , 盛惠$25 ($18+$7凍飲)。看似簡單的下午茶配搭, 卻容易見真章。返家後急不及待除下膠袋先, 嘩, 未開蓋已經湧出陣陣香味來。  開餐啦! 福麵軟硬度剛剛好, 不太稔; 湯底夠味但不會過濃, 配料方面: 腸仔好好味 (係食開嘅廚X牌呀, 有D茶餐廳會用其他比較便宜的牌子, 不過一吃便知分別啦), 蛋煎得好, 可能是外賣緣故啦, 焗一焗反而令蛋黃介乎流心與不流心之間, 正  。飲啖凍檸茶先, 茶味夠濃, 檸檬不苦澀 (少甜情況下都好好味, 難得!)好味的食物正好為我叉足電, 回味無窮。