丼丼屋 (德福廣場) (已結業)

終於等到星期五 Happy Friday, 放左工約埋同事去德福SHOPPING食飯,又到左食飯時間, 德福星期五真係好多人, 最後我地揀左丼丼屋。等左20分鐘先有位, 我地係坐係單邊枱, 雖然係單邊枱, 但枱面都好大。環境裝修充滿日式而簡潔。睇睇餐牌先~記得好耐之前食過, 今次見到餐牌改左, 多左小食及主菜。- 炭燒風味雞肉丼 $58 + 刺身定食 $38- 迷你豚肉烏冬 $38 + 刺身定食 $38我點的迷你豚肉烏冬先到達, 但職員忘記比刺身我。豚肉數量好多, 夠簿身, 另外, 烏冬好粗身, 但做到好彈牙, 估唔到到咁入味。加左 $38 刺身定食, 有以下小食。黃豆雖然份量不多, 但好易入口。麵鼓湯湯入面有豚肉, 湯唔會過鹹。沙律沙律用上醋汁, 感覺新鮮, 不過表面的蓮蓬片已經唔脆了。炭燒風味雞肉丼 雞肉都夠滑,不過個汁太濃味, 蓋過了雞肉的肉味, 建議個汁可以淡一點。最後刺身都有比我啦 ~北寄貝味道正常, 三文魚夠新鮮, 呢一個係估唔到。餐廳地方夠大, 所以食得好舒服。下次可以再黎食其他啦 !記得之前佢地有自家浸果酒, 而家反而無左, 有點兒失望。