Just Eat (已結業)

今次終於離開comfort zone，唔再係喺公司同屋企附近飲飲食食，而係去到西環試下間新餐廳🍴呢間餐廳主打越南菜，餐廳環境簡潔乾淨。香茅串燒雞 $36食落有淡淡嘅香茅味唔會太濃，雞肉唔會太老。雞絲扎肉金邊粉 76呢個粉份量好夠，一個大男人食都飽，個湯底都幾夠味，金邊粉好幼滑，雞絲唔韌札肉夠味，落埋青檸同辣椒夠哂惹味。濱海伴絲網春卷 $48呢個菜式好特別，用生菜包米粉加絲網春卷，咬落去有多重口感，咬落先食到生菜嘅爽，再有放左酸辣汁嘅軟軟米粉，最後係香脆嘅絲網春卷！