影片
更多
2021-10-01
68 瀏覽
依家啟德仲未有好多餐廳進駐，呢間西餐廳喺隱蔽嘅一角，但一入到去就感受到熱鬧嘅氣氛。Sesame Crusted Tuna Chunks ($120)擺盤幾靚，吞拿魚外層沾滿黑白芝麻麻，微微火炙同煙燻過，嫩口得黎帶點鹹香。面頭色彩繽紛有洋蔥，芒果，火箭菜，成個口味幾刺激味蕾，好墨西哥風味。Porcini Risotto ($135)好好食！牛肝菌好香，同成個risotto夾得好好，飯粒粒分明，硬度岩岩好。Fettuccine Carbonara ($130)份量好多好cheesy，個汁好濃稠，每食一啖都有大量汁包裹住啲闊條麵，食埋呢個即刻飽咗。Prosecco ($98)每一日都有啲特定優惠，星期四有幾款酒就係買一送一！$98有2杯，仲要斟到咁滿，飲翻杯先喇🥂~不過唔知係咪當日嘅冷氣壞咗，環境比較熱。
Sesame Crusted Tuna Chunks ($120)
擺盤幾靚，吞拿魚外層沾滿黑白芝麻麻，微微火炙同煙燻過，嫩口得黎帶點鹹香。面頭色彩繽紛有洋蔥，芒果，火箭菜，成個口味幾刺激味蕾，好墨西哥風味。
Porcini Risotto ($135)
好好食！牛肝菌好香，同成個risotto夾得好好，飯粒粒分明，硬度岩岩好。
Fettuccine Carbonara ($130)
份量好多好cheesy，個汁好濃稠，每食一啖都有大量汁包裹住啲闊條麵，食埋呢個即刻飽咗。
Prosecco ($98)
每一日都有啲特定優惠，星期四有幾款酒就係買一送一！$98有2杯，仲要斟到咁滿，飲翻杯先喇🥂
~不過唔知係咪當日嘅冷氣壞咗，環境比較熱。
張貼
