影片
更多
2024-02-01
20 瀏覽
依排出咗bonus想去食好西,，喺朋友推薦之下就book咗呢間位於尖沙咀嘅Omakase 鮨石。同一般Omakase一樣店舖裏面唔算好大, 可以直接望住師傅處理菜式，係Omakase嘅一大樂趣。一坐低店員就會擺定Menu俾你睇，簡單介紹下嗰日set。今次我哋食嘅係佢嘅dinner set神石, 一共有17個菜式再加一個甜品，可以話非常之夠份量。一開始大概有七、八度刺身 ，之後再上七款壽司，最後加個日式釜飯，麵豉湯同埋甜品，每樣菜式都係即整即上，但又唔會要客人等太耐，時間控制相當唔錯。上菜嘅時候師傅同埋店員會用一個輕鬆嘅語氣一一同你介紹菜式嘅品種同埋做法，令你用餐體驗更加完整得嚟又唔會悶。而且店員嘅英文水平都相當唔錯，一齊食嘅外國人都同佢哋有講有笑。所有菜式入面個人最鍾意食嘅係北海道水八爪刺身。八爪魚完全唔會有腥味，而且咬口煙韌得嚟又有少少creamy嘅感覺，非常之新鮮。配埋少少柚子同喜馬拉雅山粗鹽，賣相同味道都再昇華！而且同碟仲有火炙過嘅八爪魚吸盤，都非常之好食！當然其他菜式都非常高水準，比較特別嘅係佢仲有款日港fusion菜式: 毛蟹燒賣🤣 配埋魚子醬，成為咗一度又高級又地道港式嘅菜
同一般Omakase一樣店舖裏面唔算好大, 可以直接望住師傅處理菜式，係Omakase嘅一大樂趣。
一坐低店員就會擺定Menu俾你睇，簡單介紹下嗰日set。今次我哋食嘅係佢嘅dinner set神石, 一共有17個菜式再加一個甜品，可以話非常之夠份量。一開始大概有七、八度刺身 ，之後再上七款壽司，最後加個日式釜飯，麵豉湯同埋甜品，每樣菜式都係即整即上，但又唔會要客人等太耐，時間控制相當唔錯。
前菜
2 瀏覽
0 讚好
0 留言
火炙太刀魚壽司
1 瀏覽
0 讚好
0 留言
釜飯
1 瀏覽
0 讚好
0 留言
甜品豆腐雪糕加粉紅菠蘿粒
3 瀏覽
0 讚好
0 留言
上菜嘅時候師傅同埋店員會用一個輕鬆嘅語氣一一同你介紹菜式嘅品種同埋做法，令你用餐體驗更加完整得嚟又唔會悶。而且店員嘅英文水平都相當唔錯，一齊食嘅外國人都同佢哋有講有笑。
所有菜式入面個人最鍾意食嘅係北海道水八爪刺身。八爪魚完全唔會有腥味，而且咬口煙韌得嚟又有少少creamy嘅感覺，非常之新鮮。配埋少少柚子同喜馬拉雅山粗鹽，賣相同味道都再昇華！而且同碟仲有火炙過嘅八爪魚吸盤，都非常之好食！
北海道水八爪配柚子&喜馬拉雅山粗鹽
2 瀏覽
0 讚好
0 留言
當然其他菜式都非常高水準，比較特別嘅係佢仲有款日港fusion菜式: 毛蟹燒賣🤣 配埋魚子醬，成為咗一度又高級又地道港式嘅菜式。
毛蟹燒賣配魚子醬
2 瀏覽
0 讚好
0 留言
總括而言，依間omakase位置又方便，菜式美味，而且Staff都相當友善，如果想搵好西食個人都幾推薦大家去試下，當然再出bonus自己都會想覆桌
張貼
