影片
更多
2010-11-21
51 瀏覽
星期六晏晝要搵地食野係比較難，因為唔同平日啲打工仔要為個一個鐘去同時間鬥快，weekend放半日或者唔洗返工既，就係一點多鐘開始搵食，所以搵到都好睇彩數~但我既彩數就...一點多，去到元朗廣場一心諗住食咖喱，路過元氣心諗食壽司都好喎，但又覺得好似食得好密咁（因為前幾日lunch先食咗）再者門口已經見到有條人龍仔，就打消念頭喇，點知去到間咖喱居然人多到無位座，望咗兩望都唔見會有位既機會（因為間舖很少位，約不多於20個坐位）便轉移陣地去返元氣食喇（其實係自己想食，我呢啲真係超級粉絲）嘻~幸好排隊都只排了10分鐘就可入坐喇，有野食lu~之前試過佢地既“秋の味覚”，覺得活赤貝係7款之中最得我歡心既食物之一，真係好爽口所以今次都係諗住食返佢架，點知無貨...唉...我同佢無緣啦 咁就叫其他啦，order咗小柱壽司，燒牛肋骨，汁煮海鰻，赤海蝦刺身，軟殼蟹手卷，跟住就係等喇...10鐘後赤海蝦刺身到埸，噢~依舊彈牙~~但啲蝦殼未請晒，有隻咬到中間位有蝦殼再等...10分鐘都無野到，追追單...即到...仲4碟一齊到添，但有個問題係但點解...牛肋骨會同海鰻一齊擺既？如果我同我媽媽黎就死喇，因為媽媽唔
一點多，去到元朗廣場一心諗住食咖喱，路過元氣心諗食壽司都好喎，但又覺得好似食得好密咁（因為前幾日lunch先食咗）再者門口已經見到有條人龍仔，就打消念頭喇，點知去到間咖喱居然人多到無位座，望咗兩望都唔見會有位既機會（因為間舖很少位，約不多於20個坐位）便轉移陣地去返元氣食喇（其實係自己想食，我呢啲真係超級粉絲）嘻~
幸好排隊都只排了10分鐘就可入坐喇，有野食lu~
之前試過佢地既“秋の味覚”，覺得活赤貝係7款之中最得我歡心既食物之一，真係好爽口
所以今次都係諗住食返佢架，點知無貨...唉...我同佢無緣啦 咁就叫其他啦，order咗小柱壽司，燒牛肋骨，汁煮海鰻，赤海蝦刺身，軟殼蟹手卷，跟住就係等喇...10鐘後赤海蝦刺身到埸，噢~依舊彈牙~~但啲蝦殼未請晒，有隻咬到中間位有蝦殼
再等...10分鐘都無野到，追追單...即到...仲4碟一齊到添，但有個問題係但點解...牛肋骨會同海鰻一齊擺既？如果我同我媽媽黎就死喇，因為媽媽唔食牛，咁我就要食埋佢，但如果個款我唔食既咁點算...係咪可以換過碟呢？？
講返牛肋骨，可惜係無乜味，反而點啲鰻魚汁仲好啲~汁煮海鰻，主要係靠個汁~
至於小柱，坦白講，未見過咁樣衰既，好明顯係"鏈"過既，因為有個好明顯既凹位係度，食過小柱既朋友都知小柱唔係手握壽司，係唔需要"鏈"既，而且飛魚子散落周圍，睇得出跌過再擺過，但係咪跌係隻碟度呢？
等食完小柱，手卷既紫菜已經唔脆身，個人認為無咁好食。
係咁既情況下，為由叫其他，但又諗唔到有咩好食喎，咁叫咗個芝麻豆腐同日式炖蛋，覺得呢2樣係最安全既，跟住都係等...今次快，5分鐘即到，點知... 個豆腐唔滑既（之前未食過，但覺得豆腐應該係滑既）而且有酸味，雖然有芝麻醬，但都係食到有酸味...噢...失望~~
跟住再等...10分鐘都係未到，循例追追單，跟住即到，我以為無哂要即炖呀~
總結：唔知係咪人手不足（但見到壽司師父有3名），漏單情況嚴重，不停追單（唔只我架，我聽到店長講架，"攪咩呀，d單亂哂既"，"又追呀＂）但你會發覺一追就會即做，即做即到，可能係咁亂咗，但可否賽後檢討呀！我都唔係好想係間餐廳度聽到咁樣囉~
另外，坐係我隔黎位既走咗，到我走都無人淸理，我埋單個時就個員工仲以為啲碟係我既入埋落我張單度添~
到埋單找錢個時，係我見過最動感既時候，找錢個位人兄係拋錢比你囉~仲有佢個句＂折咗~之後~XX蚊~吖~
嘩！得到吖，成餐飯一句唔好意思，一句多謝，一個笑容，我都見唔到聽唔到囉~
不嬲都覺得元氣既食物質數係OK架，但服務態度就間暑唔同既, 元朗呢間既服務就差過出面個啲分店囉，唔通
轉咗人手仲差~
張貼
