影片
更多
2018-12-10
904 瀏覽
從來都未寫過review，今次真係忍唔住要話俾大家知！呢間好近我公司所以周不時公司飯局都會嚟食！以前有好幾個set可以揀 碟碟都中至大size 味道過得去，但係今次真係超失望 一定唔會再去！新menu只有2個set，1個係大set，1個係per head計嘅，我哋6個人就叫咗大set6位(正價千幾蚊)。首先我哋落單後坐咗45分鐘先有得食，期間已經不停追佢叫佢快d快d，老細都等到黑面！佢個set嘅selling point係有9個前菜 然後再加幾個主菜，首先第一碟前菜嚟到已經嚇死我哋因為超細碟，但係唔緊要諗住前菜每人少少都可以接受，之後前菜陸陸續續嚟到我哋覺得好寒酸，因為全部都勁細碟仲要用膠碟。有一味煮勝瓜竟然過份到只有手指尾咁大嘅得3條，我哋係6人set嚟架，咁樣要我哋6個人分會唔會太核突呀？你可想而知佢個碟有幾細！然後主菜都唔知等咗幾耐先來到，湯～嚟得5碗，同事都嬲喇！所有主菜都係同前菜一樣嘅細膠碟，只係份量放多少少，就連我哋喺個set以外另加嘅一碟黑松露帶子都一樣係咁。所有食物都唔新鮮，味道一般，有同事直頭覺得難食，大家都決定以後唔會再去！因為我哋係會員所以有折，最後八百幾埋單，大
呢間好近我公司所以周不時公司飯局都會嚟食！
以前有好幾個set可以揀 碟碟都中至大size 味道過得去，但係今次真係超失望 一定唔會再去！
新menu只有2個set，1個係大set，1個係per head計嘅，我哋6個人就叫咗大set6位(正價千幾蚊)。
首先我哋落單後坐咗45分鐘先有得食，期間已經不停追佢叫佢快d快d，老細都等到黑面！
佢個set嘅selling point係有9個前菜 然後再加幾個主菜，首先第一碟前菜嚟到已經嚇死我哋因為超細碟，但係唔緊要諗住前菜每人少少都可以接受，之後前菜陸陸續續嚟到我哋覺得好寒酸，因為全部都勁細碟仲要用膠碟。
有一味煮勝瓜竟然過份到只有手指尾咁大嘅得3條，我哋係6人set嚟架，咁樣要我哋6個人分會唔會太核突呀？你可想而知佢個碟有幾細！
然後主菜都唔知等咗幾耐先來到，湯～嚟得5碗，同事都嬲喇！
所有主菜都係同前菜一樣嘅細膠碟，只係份量放多少少，就連我哋喺個set以外另加嘅一碟黑松露帶子都一樣係咁。
所有食物都唔新鮮，味道一般，有同事直頭覺得難食，大家都決定以後唔會再去！
因為我哋係會員所以有折，最後八百幾埋單，大家都認為就算有折平咗都唔抵，因為實在太差喇！
張貼