Gull's Kitchen (已結業)

幾個月之前食過呢間，覺得好ok, 可以再嚟多次。之後聽講呢度轉左手，咁但係都唔理啦照去食。點知轉左手之後真係好唔掂。一打開menu, 價錢平均每碟菜比上次至少貴5蚊。我哋今次叫嘅餸同上次叫嘅都係差唔多一樣，但係味道就爭好遠。卡巴個外皮完全唔脆，入面沙律多過羊肉，沙律醬就太多，搞到成個卡巴都好酸。個炒飯就更加失望。首先講吓個醬啦，上次佢仲有三種醬，今次得返兩種，但係都算啦。個飯真係勁失望，個炒飯係淋嘅，而且完全唔似上次咁飯粒粒粒分明而且平均沾上咖喱汁。今次的飯勁淋勁油 ！個飯的份量都比上次少好多 ！ 個Fish N' Chips就更加係笑話。首先，個chips完全唔係英國嗰種大嘅薯條，而係同M記冇分別嘅普通炸薯條。或者係中東餐廳唔應該叫 fish and chips 啦！但真的好有人比人呃左的感覺 ！ 呢個唔應該叫 fish and chips, 應該叫 fish and fries ! 同上次來的經驗差好遠，唔會再來 ！ 枉我仲特登帶從日本返來的朋友來吃，點知帶她中伏 ！ 激氣 ！