星滙酒家 (已結業)

置樂呢個位置經常換酒樓，前身東城質素一般般，年尾終於捱唔住轉手，最近去左新酒樓試，發現質素提升，我地晚市時候去，叫左幾個小菜，唔貴，而且份量大，材料亦新鮮，唔覺得味精重，食完唔會口乾。三個人食，分別叫左欖角骨，戒菜煲，同狗仔鴨煲，味道不錯，很入味，欖角骨皮脆肉嫩，戒菜煲胡椒味十足，排骨夠「淋」，又入味，狗仔鴨煲外面好少地方可以食到，味道濃郁，鴨吸晒汁既味，非常好食。值得再去，已預訂團年飯一家人再去。