La Kaffa (已結業)

之前黎呢到食，通常都係食all day breakfasts ，食晚餐都係第一次，原來佢已經轉左餐牌～同友人們都各自選左個主菜，仲跟左餐，可以揀湯/沙律。忌廉湯，入面應該係有加薯仔，飲落有d粉粉地的感覺～沙律就無咩特別喇～雜菌忌廉汁意粉～個菇好香，意粉煮得岩岩好～卡邦尼怪既我，一定要叫卡邦尼架喇，佢仲有埋帶子tim~呢個卡邦尼，好夠果，好食～雖然有芝士係面，但芝士味唔重～帶子好淡，如果可以落鹽再煎一下先，應該會好食好多～咖哩焗雞扒飯，咖哩味唔係好出，雞扒唔算好滑～整體還可以喇～鮮果奶凍～佢個奶凍，都係偏淡，奶味唔重，除左個面既芒果汁係有味，整體唔可以話係有味既😂