雞翼山 (裕民坊YM²)

營業中

休息中

觀塘裕民坊都重開左好內，但總感覺人流並唔係好多。琴日行完山真係好攰，搭車搭到觀塘小巴總站，有對門直通裕民坊G樓，推開門轉角向右就見到一間店食雞翼，轉左圈好似冇見到有堂食，問左店員原來只有一個企位，見都有不少人等拎外賣，亦都唔想再行，於是就快速下單，冇期待會好好味，只想醫肚先…食物都好快出，雖然價錢唔貴又冇地方坐低好好休息，不過食物味道真係有驚喜！兩個人點左一個餐set，12只雞翼（因為雞翼山嘛，點都要試下各款口味雞翼）小小的店都有9款口味可以簡，我哋簡左三款南崎南蠻他他雞翼：雞翼新鮮炸起，外皮酥脆，有少少地方炸過左火，不過唔影響整體口味，肉質鮮嫩，一d都唔乾，仲有不少汁。朋友話個醬係他他醬，食落有d似青瓜薯蓉沙律，清新口味搭配現炸的雞翼，感覺都唔會好熱氣港式鹹檸七雞翼：食物太多，雞翼都要創新啦！又真係食得出係鹹檸七味道酸酸甜甜，睇個樣已經好吸引味道濃郁，同樣雞翼肉都處理得好好👍🏻原味翠香雞翼：應該同南崎南蠻他他雞翼是一樣的，只係少左個醬個一人餐都係炸物，小蝦🦐，雞軟骨，洋蔥🧅，溫泉蛋，仲有三隻白十雞翼（可能前面三種太好味，呢個食唔出咩味）米飯係粒粒分明飽滿的日本米，邊食雞翼邊飲一啖維他